هتطلع هتنزل

يا شاطر يا جابر خواطر
يا ساكن مقابر وصابر وعال
يا واكل سمومك يا بايع هدومك
يا حامل همومك وشايل جبال
يا شعبي اللي نايم وسارح وهايم
وفي الفقر عايم وحاله ده حال
مدروخ وآخر انسطال
أحبك محشش مفرفش مطنش ودايخ
أمورك كده باتكال
أحبك مكبر دماغك مخدر ممشي
وأحب اللي ينهب ويسرق تلال
وأحب اللي ينصب وأحب اللي يكدب
وبالع لسانه وكاتم ما قال
وأحب اللي شايف وعارف وخايف
وأحب البهايم وأحب البغال
وأحب اللي قافل عيونه المغفل
وأحب اللي عايز يربي العيال
وأحب اللي راضي وأحب اللي فاضي
وأحب اللي محبط وشايف محال
وأحب اللي يائس وأحب اللي بائس


وأحبك تسافر وتبعد تهاجر
وتبعت فلوسك دولار أو ريال
وأحبك تطبل تهلل تهبل
عشان ماتش كورة وفيلم ومقال
وأحبك تأيد تعظم تمجد توافق تنافق وتلحس نعال
تحضر نشادر تجمع كوادر تلمع تقمع تضبط مجال
لكن لو تفكر تخطط تقرر تقرر تشغللي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها هجيبك….لا يمكن أسيبك وراح تبقى عبرة وتصبح مثال
هبهدل جنابك وأذل اللي جابك وهيكون عذابك ده فوق الإحتمال
وامرمط سعادتك وأهزأ سيادتك واخللي كرامتك في حالة هزال
وتلبس قضية وتصبح رزية وباقي خياتك تعيش في انعزال
.. هتقبل هحبك… هترفض هلبك هتقبل هحبك هتطلع هتنزل هجبلك جمال

فكوا القيود ... فكوا القيود

ازيلوا السدود ... ازيلوا السدود

ازيلو العوائق حتى الحدود

فكوا القيود ..... سئمنا الضياع

فكوا القيود ..... فلسنا جياع

وقدس الاراضى ليست متاع

ولاسلعة تشترى كى تباع

فكوا القيود ... فكوا القيود

دعونا نقاتل كل اليهود

فاما نموت

واما نعود

فكوا القيود .... فكوا القيود .... فكوا القيود

راحل حبيبتى فلا تبكى على السفر

راحل حبيبتى الى مكان لا يعلم بها بشر

راحل حبيبتى الى سماء بلا نجوماً ولا مط

راحــــــــــــــــــــــــل

فصديق عمرى احببك وليتة ماذكر

سمعتها ثم تمنيت ان ادفن فى التراب مثل الحجر

سمعتها فشعرت انى عصفور يوقد فيه النيران وهو فوق الشجر

نعم لقد احببتك قبلة ولاكن هذا ما شاء بة القدر

لا تبكى حبيبتى فقد اضمرت عيناكى من البكاء والسهر

لاتبكى فقدظهرالليل على القمر وحان الرحيل وجاء السفر

فودعاً اجل عيوناً رايتها

فا فاضت بالبكاء

فبكت لها السماء

فاسقنط اوراق الشجر

ااااااااااااااة ونص

هوة دة الحل اننا نلجاء لاى حاجة نفك بيها عن الحزن والملل ومفيش غير (اااااااااااااااة ونص )

الـتـهــمـة بـيــدون

بقلم / ميادة مدحت

حجزوا الولد الاسمروالتهمة بيدون

قال ايه كيبورده عنيد وشاشاته بتمون

أفكار بلاد بره

وجمال بلاد بره

وفى شعبنا بيشحن

ليه يا ولد يا عنيد

بتثور على التقليد

وبتعشق الأصلى

وليه تقول اشاعات

عن عرشنا بالذات

عايز الشعوب تغلى؟

قال الولد الاسمر

معرفش حاجة يا بيه

إدينى لاب توبى وسيبنى أمشى يا بيه

ده لو انت متربى

نظروله نظره شرار

وفتشوه ذاتى

فقالهم اقرار عليا وحياتى

لا عمرى كنت جاسوس

ولا كنت يوم مدسوس

لكن فضل محبوس

بينادى ويهاتى

واهو كل يوم ياخدوا

ف شباب بيتشون

فى السجن يتعبى

بالدم يتلون ايه

تهمتك يا ابنى انا تهمتى مدون

ودى مين كمان ياختى؟

ظبطوها بتدون !

غور يا جحيم الظلم

ويا زمان .. دون

منقولة من مدونة الوعى المصرى

اقتحام منزل وائل عباس رئيس تحرير مدونة الوعى المصرى

لماذا اهين وائل عباس رئيس تحرير مدونة الوعى المصرى ولماذا انهالو علية ضرباً هو ووالدتة فى منزلهم بالاسكندرية هل بسب نشاطة السياسى ولا بسب ما يدونه او بسب مايعتقدة هو زى مقال بلطجة حكومة واستخدام نفوز ومن الاخر (بلطجة فاضية) هل هذه حق المواطن المصرى ان يهان فى بيتة ويضرب ضرباً شنيعاً حتى تكسر اسنانة من شدة الضرب ماذا نقول على من فعل هذا ماذا نفعل تجاة هذة نظل صامتون جالسون هامدون لا نفعل شى حتى ياتى الدور على احدانا من المدونين ونضرب مثل وائل هلى يريدونا اصماء لا نتكلم لا والف لا لن نكون مثلكم ولاكن سنعيد مجد هذة الارض بايدينا ولين ننتظر حتى تسلب منا جميع حقاً فى اليمقراطية ودية صور لتعذيب واءل عباس

اتفرج ياعم وقولى رايك فى بلدنا

صورة قبل الحادث بيوم

صور لتحطيم اسنانة

كدمات فى الراس

خربشة خلف الاذن

الشيطان كفر

على باب سفارة كندا قبلت ابليس وفى ايدة استمارة

بقله اية على فين قالى بص يهجرة يااِعارة

انا كفرت الاقيش معاك سجارة

ياراجل انا خلاص لبقيت وسواس

ولا خناث ولا ليا عيش وسط الناس

خلاص بقالى سنين عاطل

وانتو بتعرفوا تقلبوا الحق باطل

وتقتلوا القتيل وتسلكوا القاتل

ومفيش مشاكل

خلاص انا مسافر مهاجر

ياراجل دنا بقيت بوسوس بالمقلوب

اقول للحرامى انتا مش هتوب

ياعنى انتا هتعمل كل الذنوب

لوحدك وانا ابليس اشتغل اية وعظ

ولا كمسرى فى اتوبيس

ياراجل دانا خلاص زهقت

زمان كنت استنا حد ينسى بس يسمى

لاكن دلوقتى بصراحة كل اكلكم ملوث

والواحد برضة لازم يخاف على صحتة

دة مفيش ضمير اساساً علشان اموتة

ياراجل دة من كتر ملتشط معايه

مشيت معى الناس الى بتقول كفااااية

وبرضة مفيش فايدة

شكراً لاهتمامكم
محمد المصرى

ليه عايز لها عنوان ---- وليه ياخال عايز لها عنوان طب أيه لزوم العنوان مانت قلت كل شئ وخلاص ضاع مننا العنوان عامللي قلمك سيف ولا حتى الزناتي خليفة وتكتب بدل الحبر دم كب لو خلص دمك ياخال مين حيسلفك دم ماخلاص ماعدش دم ماحدش بقى عنده دم مالقضية بقت زي القربة مقطوعة من كل نحية مهوية ماعدش ينفع معاها لحام ولا حتى تجيب لها قربة جرى أيه ياخال ماحرمتش و مازهقتش؟ ماقلتش نفسي أعيش يومين؟ أعمل لنفسي ولعيالي قرشين وأقب على وش الدنيا ماقلتش كفاية وجع قلب وخلي اللي يتحرق يتحرق ماقلتش كفاياني هم و سجون وضغط دم لكن حاقولك ايه كلمة أمك وامي والحيين وإللي ماتوا أهو الحي بيكاتل وطول ماحنا عايشين حنكاتل انت بتكاتل بقلمك ودمك هو حبرك وصوتك يعلا ولا يوطى الكل في الساقية داير لقمة العيش همه هدمة عياله غمه تعليم عياله جواز عياله مش عايز غير بيت يلمه له عنوان ولا ملوش أهو عايش كافي خيره شره والكل مننا في شغله بيكاتل زهقنا من الأخبار تليفزيون ولاجورنال أخبار تغم وتحزن مافيها خبر يفرح والكل بيغني على كله غنوة مالهاش عنوان زي قضيتك وقضيتي ماهى قضيتك قضيتي وعنوانك عنواني ووجعك وجعنا وجراحك جراحنا صدقت ياخال حنروح من غير علمنا حيجينا الموت من غير معاد ولايهموش عنوان ماهو الموت مايلزموش عنوان واحنا بنموت كل يوم وغيرنا بيموت في كل لحظة ومين يهمه ليه ناس بتموت وناس هايصة ومين يدور على مين ويدور أمتى ولا فين بقينا أحياء ماشيين أمساخ دمي بتتحرك لافينا حس ولادم ولا عاد يهمنا خال ولاعم ناس مهمومه مكلومة من حقها محرومة وناس بتكنز فلوس تشتري النفوس تدور على المناصب والسقيفة والهليبة وبياعيين الهوا في قزايز ناسيين ولامش عارفين الموت مالوش جيوب أه ياخال قلبت علينا المواجع واللي راح ياخال مش راجع بنبكي عليه من الذل إللي شفناه بنبكي ياخال على تاريخ بإيدينا كتبناه وعشان سلام وهمي في يوم وليلة بعناه أه ياخال موجوع ومش قادرأصرخ وإن صرخت مين ياخال إللي حيسمعني مين معايا حيشيل همي علي إدايا شلت لليهود كفني سبت تاري وشلت عاري وضحكت على ناسي وعلى نفسي هاين عليا زي الحريم أولول وأحط الطين على راسي رحت ماشي برجليا أقول سلام وكفني على إيدايا حكموا فينا الخنازير وال***ه بقينا طوع إيديهم نشاورهم ونرضيهم ووقفنا على الحدود نحميهم ساجنين أهالينا في غزة عشان تفضل الأرض محتلة آدي السلام ياخال بيحرقوا أهالينا في غزة بيقتلوا إبتسامة بريئة بيخرصوا النفوس الحرة بيدمروا الأرض الخضرا أه ياخال نفسي أشق خلجاتي نفسي الأرض تبلعني دمي في عروقي بيغلي حدودي عليا مقفولة أهلي وناسي حابسني مسدودة باتفاقية وعسكر والإتفاقية بتحرق غزة بتقتل أطفالها وشبابها وشلت إيديا خرصت لساني قفلت حدودي عليا عشان تفضل الأرض محتلة بنبكي على القضية ولا النفوس إللي ماتت بنبكي على الشهدا على الأبرياء وإللي إدفنوا أحياء على الأرض إللي راحت بنبكي على حالنا على حكامنا على الشعوب إللي تاهت على القضية إللي ضاعت على غزة اللي بتصرخ والكل سادد ودانه وحتى إللي بيسمع إتلهى في حاله العيب ياخال لافيا ولافيك العيب في إللي الخوف ملاهم شل إيديهم والدنيا شغلاهم نسيوا إسلامهم ذلوا شعوبهم والقضية باعوها ولسه ياخال بتدور على عنوان أحلى عنوان ياخال مالقيتلهاش عنوان